"Yevronigoh-2023" tanlovini qayerda o'tkazish bahsli mavzuga aylandi
“Tanlovni Britaniyada emas, Ukrainada o'tkazish kerak” – Boris Jonson.
Buyuk Britaniya bosh vaziri Boris Jonson "Yevronigoh-2023" qo'shiq tanlovini Ukrainada o'tkazishga chaqirdi. Bu haqda "Sky News" xabar berdi.
"Bizda ajoyib raqam borligini, ikkinchi o'rinni egallaganimizni bilaman va tanlov bizning mamlakatimizda bo'lishini istardim. Lekin haqiqat shuki, Ukraina vakillari g'alaba qozonishdi va ular buni o'tkazishga loyiq", – dedi Jonson Kiyevdan qaytgach.
Ukrainaliklar bu yilgi tanlovda g'alaba qozonishdi. Qoidaga ko'ra g'olib kelasi yilgi musoboqada mezbonlik qilish huquqini qo'lga kiritadi.
Avvalroq tashkilotchilar 17-iyun kuni 2023-yilgi “Yevronigoh” qoʻshiq tanlovini notinch vaziyat tufayli Ukrainada oʻtkazib boʻlmasligini, shu bois ularning vakillari bu yil ikkinchi oʻrinni egallagani uchun Buyuk Britaniyaga murojaat qilganini bildirgan edi.
Ukraina Madaniyat va axborot siyosati vaziri Oleksandr Tkachenko qarorga e'tiroz bildirmoqchi ekanligini aytdi.
