Germaniya Ukrainaga yetarli yordam bermayapti — Foreign Policy
Shu bilan birga Berlin Rossiya bilan maxfiy muzokaralar olib borayotgani taxmin qilindi.
Germaniya Rossiya bilan Ukraina masalasida maxfiy muzokara olib borayotgan bo‘lishi mumkin. Bu haqda Foreign Policy xabar berdi.
Vashingtondagi Xadson instituti eksperti Piter Rafning so‘zlariga ko‘ra, GFR kansleri Olaf Sholts Emmmanuel Makronning nizoni diplomatik yo‘l bilan hal qilish rejasini maʼqullaydi.
“Albatta, Sholts Makron kabi uzoqqa bormadi. Makron Ukrainaga hududiy yon berishni taklif qilgandi va G‘arbni Moskvani “kamsitish”dan tiyilishga chaqirgandi. Ammo Germaniyaning diplomatik harakatlari uning maqsadlarini ko‘rsatib turibdi”, — degan Raf.
Shu bilan birga u Germaniyaning Kiyevga ko‘rsatayotgan harbiy yordami arzimas ekanligiga eʼtibor qaratdi.
Avvalroq Germaniya «tahdid va taʼqib ostida»gi rossiyaliklarga boshpana berishi to‘g‘risida xabar berilgandi.
