Moskva birjasi o‘zbek so‘mida savdolarni yo‘lga qo‘yadi
Yangi valyutalar qatorida arman drami va Janubiy Afrika rendi ham bo‘lishi kutilmoqda.
Moskva birjasi rasmiy sayti maʼlum qilishicha, 27-iyun kuni birjaning valyuta bozorida o‘zbek so‘midagi savdolar boshlanadi.
Bu bozorning professional ishtirokchilari, ularning mijozlari – jismoniy va yuridik shaxslar savdo imkoniyatlarini kengaytiradi. Xususan, tashqi iqtisodiy faoliyat subyektlariga ham sohada qulayliklar yaratadi.
Treyderlar va ularning mijozlari o‘zbek so‘mi – Rossiya rubli (UZS/RUB) juftligi uchun spot va svop vositalaridan foydalanishlari mumkin.
Moskva birjasida yangi valyutalar qatorida arman drami va Janubiy Afrika rendi ham paydo bo‘ladi.
