Jurnalistikaning keksa ustunlari
Bugun ularni eslamaslik mumkin emas.
Toshkent viloyatining Qibray tumanida “Matbuot va Ommaviy axborot vositalari hodimlari kuni” munosabati bilan tadbir bo‘lib o‘tdi.
Unda viloyat hokimi vazifasini bajaruvchi Zoyir Mirzayev ishtirok etib, jurnalistikaning zabardast vakillari, faxriy qalamkashlar va sohaning yetuk namyondalariga faxriy yorliq hamda esdalik sovg‘alar topshirdi. Xususan, salkam bir asrlik tarixga ega “Toshkent haqiqati” gazetasining fidoyi jurnalistlari faoliyati alohida e’tirof etildi.
“Yo‘qolsin senzura deb bong uramizu, shu kungacha yetib kelishning ham o‘zi bo‘lmagan. Turkistonda bosib chiqarilishi boshlangan ilk gazetalar ham albatta o‘sha davr tuzimi manfaatlariga ko‘ra axborot tarqatgan. Haqiqatni qo‘lida mahkam tutgan jurnalistlarning mayog‘i o‘z boshiga tayoq bo‘lib tushgan.
“Toshkent haqiqati” (“Tashkentskiy pravda”) gazetasi jurnalistlari o‘zbek bosma OAVning “tirik ensiklopediyalari” hisoblanadi. Ular bugungi kunning haqiqiy taqdirlanishi kerak bo‘lgan soha xodimlaridir”,—dedi Zoyir Mirzayev o‘zining tabrik nutqida.
Shuningdek, tadbir davomida barcha tuman va shahar gazetalari tahririyatiga zamonaviy kompyuter to‘plamlari sovg‘a qilindi.
