Namanganda Neksiya–3 yuk mashinasi bilan to‘qnashib ketdi
Hodisa oqibatida ikki kishi shifoxonaga yotqizilgan.
Namangan viloyatining Pop tumanida 27-iyun kuni ikkita avtomashina ishtirokida yo‘l-tpansport hodisasi sodir bo‘ldi. Holat yuzasidan IIV YHXX ma’lumot berdi.
Hodisa bugun soat 08:30 larda Pop tumani hududidan o‘tuvchi A-373 avtomobil yo‘lining 234-kilometrida yuz bergan. 2002 yilda tug‘ilgan haydovchi N. Yo. Neksiya–3 rusumli avtomobilni boshqarib ketayotib, harakat xavfsizligini ta’minlay olmay, yo‘l chetida to‘xtab turgan haydovchi, 1995 yilda tug‘ilgan M.Q. boshqaruvidagi “Isuzu” rusumli yuk avtomobilining orqa tomoniga to‘qnashgan.
Avtahlokat oqibatida Neksiya haydovchisi va yo‘lovchisi tan jarohati bilan shifoxonaga yotqizilgan.
Mazkur YTH yuzasidan Pop tumani IIB JXX YHXB xodimlari tomonidan surishtiruv harakatlari olib borilmoqda.
