AQSH Ukrainaning yo‘qotilgan hududlarni qaytarib olishiga shubha bildirdi
CNN telekanali qator amaldorlar orasida bu bo‘yicha so‘rovnoma o‘tkazgan.
Oq uy vakillarining aksariyati Ukrainaning yo‘qotilgan hududlarni qaytarib olishiga ishonmaydi. Bu CNN o‘tkazgan so‘rovnoma natijalariga ko‘ra aniqlandi.
Telekanal maʼlumotlariga ko‘ra, AQSH prezidentining maslahatchilari Zelenskiyning joriy vaziyatga berayotgan bahosini o‘zgartirish va uni ayrim hududlarni yon berishga ko‘ndirish masalasini ko‘rib chiqmoqda. Ammo bu Kiyevga bosim o‘tkazish zarurligini anglatmaydi va Vashington Ukrainadan yon berishlarni talab qilmaydi.
Shu bilan birga administratsiyadagi hamma ham ukrain armiyasi istiqboliga salbiy qaramayapti. Masalan, milliy xavfsizlik bo‘yicha maslahatchi Jeyk Sallivan ukrainalik hamkasblari bilan doimiy muloqotda bo‘lib turibdi.
“Ukraina bu hududlarni qaytarib olishi to‘liq bizning qo‘llab-quvvatlashimizga bog‘liq”, – degan nomi sir qolishni istagan kongressmenlardan biri.
O‘z navbatida Pentagon vakili a boshqa manbalar Kiyevning yo‘qotilgan hududlarni qaytarib olishi uchun katta kuchlarni jalb qila olishiga shubha bildirgan.
Avvalroq Vashington Ukrainaga havo hujumiga qarshi mudofaa tizimlari berishi to‘g‘risida xabar berilgandi.
