AQSHda yo‘lovchi poyezd relsdan chiqib ketdi
Oqibatda 3 kishi halok bo‘lgan, 50 kishi jarohatlangan.
AQSHning Missuri shtatida yo‘lovchi poyezdi bilan yuk mashinasi o‘rtasida sodir bo‘lgan yo‘l transport hodisasi tufayli uch kishi halok bo‘ldi, o‘nlab fuqaro jarohatlandi. Bu haqda “BBC” xabar berdi.
Ma’lum qilishicha, Los-Anjelesdan Chikagoga ketayotgan “Southwyest Chief” yo‘lovchi poyezdi Mendon yaqinidagi temiryo‘l kesishmasida yuk mashinasiga borib urilgan.
Hodisa oqibatida yettita vagon, ikki lokomotiv relsdan chiqib ketgan. Voqea joyiga Missuri shtati favqulodda ekipaj a’zolari yetib kelgani aytilmoqda. Yo‘l-patrul xizmati xodimlari to‘qnashuv ortidan poyezdda ikki nafar, yuk mashinasida esa bir nafar fuqaro qurbon bo‘lganini tasdiqladi.
Axborotda qayd etilishicha, poyezdda bo‘lgan 243 yo‘lovchi va 12 ekipaj a’zosidan kamida 50 kishi jabrlangan.
