Namanganda 3 ta avtomashina o‘zaro to‘qnashib ketdi
Hodisa oqibatida 1 kishi shifoxonaga yotqizilgan.
Ijtimoiy tarmoqda Namangan viloyatining Uychi yo‘lida 3 ta mashina ishtirokida YTH ro‘y bergani haqida xabar tarqaldi. Xolat yuzasidan viloyat IIB YHXB rasmiy munosabat bildirdi.
Ma’lum bo‘lishicha, 28 iyun kuni soat 11:15 larda Namangan-Uychi-Uchqo‘rg‘on yo‘lining 8,5-kilometrida Vaz-2106 rusumli transport vositasini Uchqo‘rg‘on yo‘nalishi bo‘ylab boshqarib ketayotgan haydovchi harakat xavfsizligini ta’minlay olmay, qarama-qarshi tomonga o‘tib ketgan va Namangan yo‘nalishi bo‘ylab kelayotgan Laсetti avtomashinasi bilan to‘qnashuv sodir etgan. Shundan so‘ng Laсetti avtomashinasi yo‘lning o‘ng tomon chetida to‘xtab turgan Damas rusumli transport vositasiga borib urilgan.
Hodisa oqibatida avtomashinalar texnik shikastlangan. Vaz-2106 haydovchisi tan jarohati bilan shifoxonaga yotqizilgan.
