Namanganda somon ortilgan avtomashina butunlay yonib ketdi
Viloyat FVB hodisa tafsilotlarini ma’lum qildi.
Ijtimoiy tarmoqda Namangan viloyatida 29-iyun kuni Kamaz avtomashinasi yonib ketgani haqida xabarlar tarqaldi. Mazkur holat bo‘yicha viloyat FVB rasmiy munosabat bildirdi.
Ma’lum qilinishicha, 28-iyun kuni soat 11:13 da Mingbuloq tumani “Qo‘g‘aliko‘l” MFY hududida harakatlanib ketayotgan Farg‘ona viloyati Toshloq tumanida yashovchi I. R. ismli fuqaroga tegishli (davlat raqami 40C706UA) “MERSEDES BENS 817” orqali 320 dona prestlangan somonlarni olib ketayotgan vaqtida yong‘in sodir bo‘layotganligi xaqida xabar kelib tushgan. Shunga asosan voqea joyiga 2 ta yong‘in qutqaruv ekipajlari yetib borib, yong‘inni bartaraf etishgan.
Yong‘in oqibatida avtomabil to‘liq holda va 200 dona presslangan somonlari yonib zararlangan. Hozirda sodir bo‘lgan yong‘in yuzasidan tergovga qadar surushtiruv ishlari olib borilmoqda.
