Xitoy NATOning yangi konsepsiyasini keskin tanqid qildi
Bu hujjatda Pekin alyansning raqobatchisi sifatida belgilangan.
Xitoy NATOning yangi strategik konsepsiyasi yuzasidan xavotir va norozilik bildirdi. Bu haqda XXR tashqi ishlar vazirligi rasmiy vakili Chjao Liszyan maʼlum qildi.
29 iyun kuni qabul qilingan alyansning yangi bosh hujjatida Rossiya eng yirik tahdid sifatida tan olingan bo‘lsa, Xitoy tizimli chaqiriq va raqobatchi deb qayd etilgan.
“NATOning o‘zi dunyodagi tinchlik va barqarorlikka tizimli chaqiriq sanaladi. Biz ochiq aytmoqchimiz: alyansning Xitoy tahdidi haqidagi vahimalari bekorga qilinayotgan harakatlardir. NATO asossiz tanqidlardan voz kechishi, sovuq urush mentalitetidan qutulishi kerak”, — degan diplomat.
Avvalroq Buyuk Britaniya bosh vaziri Rossiya chegaralari oldida yana-da “ko‘proq NATO” bo‘lishini aytgandi.
