Konstitutsiyaviy qonun loyihasining umumxalq muhokamasi 15 iyulgacha uzaytirildi
Oliy Majlis Qonunchilik palatasining navbatdagi majlisi bo‘lib o‘tmoqda.
Unda deputatlar «O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida»gi Konstitutsiyaviy qonun loyihasining umumxalq muhokamasi bilan bog‘liq masalani ko‘rib chiqilyapti.
Maʼlumki, 24 iyun kuni O‘zbekiston Respublikasi Oliy majlisi qonunchilik palatasi O‘zbekiston Respublikasi konstitutsiyasiga o‘zgartirish va qo‘shimchalar kiritish to‘g‘risidagi konstitutsiyaviy qonun umumxalq muhokamasiga qo‘yilgan edi. Shu kunga qadar ushbu qonun mazmunini tushuntirish maqsadida qator ishlar amalga oshirildi.
Oliy Majlis Qonunchilik palatasi deputati Jahongir Shirinovning so‘zlariga ko‘ra, shu kunga qadar davlat va nodavlat telekanallarida konstitutsion islohotlarga bag‘ishlangan 2 ming martada ortiq yoritildi. Internet nashrlarida ushbu masalaga oid 10 mingdan ortiq materiallar eʼlon qilindi.
Shirinov Prezidentning 2 iyul kuni Nukusda Qoraqalpog‘istonning huquqiy maqomiga oid moddalarni o‘zgartirishsiz qoldirish taklifini qo‘llab-quvvatlashni taklif qildi. Shuningdek, umumxalq muhokamasini 15 iyulga qadar uzaytirish tavsiya qilindi. Ushbu taklif deputatlar tomonidan qo‘llab-quvvatlandi.
