"Qimmatga tushgan taktik g‘alaba"

 

4 iyul kuni Rossiya mudofaa vaziri Sergey Shoygu Vladimir Putinga Ukrainaning Lisichansk egallanganini va LXR (Ukraina sharqidagi tan olinmagan va o‘z-o‘zini mustaqil deb eʼlon qilgan tuzilma) to‘liq “ozod qilingan”nini eʼlon qildi. G‘arbning ayrim yetakchi harbiy tahlilchilari bu bo‘yicha o‘z fikrlarini bildirdi.

 

Ular Lisichank va Severodoneskning egallanganini shubhasiz, Rossiya armiyasining muvaffaqiyati sifatida baholamoqda, ammo u katta kuch va vositalarni qurbon qilish evaziga qo‘lga kiritilgan g‘alaba ekanini taʼkidlashmoqda.

 

Nil Melvin, Qirollik mudofaa tadqiqotlari birlashgan instituti:

 

“Bu katta qurbonlar evaziga qo‘lga kiritilgan Rossiyaning taktik g‘alabasi. Bunga erishish uchun 60 kun sarflandi, bu juda sekin. Fikrimcha, ruslar maʼlum g‘alaba haqida gapirishadi, ammo asosiy jang hali oldinda” (Reuters agentligi intervyusi).

 

Rob Li, AQSH tashqi siyosati bo‘yicha tadqiqot instituti yetakchi ilmiy xodimi:

 

“Putin buni muvaffaqiyat sifatida taqdim etishi mumkin. ammo umumiy vaziyat nuqtayi nazaridan bu Ukrainaning yaqin kelajakda taslim bo‘lishi yoki bo‘ysunishini anglatmaydi (Reuters agentligi intervyusi).

 

Maykl Klark, Qirollik mudofaa tadqiqotlari birlashgan instituti sobiq direktori:

 

“RF armiyasi muvaffaqiyatga erishgan bo‘lsa-da, ular ukrainaliklardan ko‘ra ko‘proq energiya sarfladi. Ular bunga juda qimmat to‘lashdi” (Times gazetasiga intervyusidan).

 

Fillips o‘Brayan, Sent-Endryus strategik tadqiqotlar universiteti professori:

 

“Ukrainaliklarning mudofaa harakatlari sababli, ruslar doimiy ravishda to‘g‘ridan-to‘g‘ri hujum qilishga majbur bo‘lmoqda, ular oldindan tayyorlangan va yaxshi taʼminlangan himoyachilarga duch kelmoqda. Aynan shu ukrainaliklar uchun zarur”. (O‘z “Twitter” sahifasida yozgan).