Rossiya texnologiyalar bo‘yicha ko‘proq G‘arbga muhtoj — Borrel
yevropa bosh diplomati Moskvaning texnologik qaramligi to‘g‘risida gapirdi.
Rossiya Xitoydan ko‘ra, Yevropa va AQSH texnologiyalariga ko‘proq muhtoj. Bu haqda Yevroittifoqning tashqi ishlar va xavfsizlik bo‘yicha oliy komissari Jozep Borrel maʼlum qildi.
“Kimdadir sanksiyalar haqiqatdan ham Rossiya iqtisodiyotiga taʼsir qilyaptimi, degan savol paydo bo‘lishi mumkin. oddiy javob — ha. Rossiya katta miqdorda xomashyo sotadi, ammo o‘zi ishlab chiqara olmaydigan ko‘plab qo‘shimcha qiymatli mahsulotlarni import qiladi. Yuqori texnologiyalarga keladigan bo‘lsak, Moskva 45 Yevropadan, 21 foiz AQSHdan bu turdagi tovarlarni sotib oladi. Bu yo‘nalishda Xitoyning ko‘rsatkichi bor-yo‘g‘i 11 foizni tashkil etadi”, – deyiladi diplomatning Yomiuri gazetasida eʼlon qilgan maqolasida.
Borrelning fikricha, Xitoy hozirda Moskvaga cheklangan hamda mahsulotlar taklif qilmoqda, bu ayniqsa, yuqori texnologik tovarlarga taalluqli.
“Rivojlangan davlatlarga eksportga qaram bo‘lgan Xitoy shu paytga qadar G‘arb sanksiyalarini cheklab o‘tib Rossiyaga hech qanday yordam taklif qilmadi. Uning RFga eksporti G‘arb davlatlari eksportichalik qisqarib ketdi”, – deb qayd etgan Oliy komissar.
Avvalroq Moraveskiy Rossiya sanksiyalarga qarshi muvaffaqiyatli qarshilik qilayotgani to‘g‘risida aytgandi.
