Rossiya, Eron va Xitoy AQSH chegaralari yaqinida harbiy mashg‘ulotlar o‘tkazmoqchi
Unga G‘arbiy yarimsharning qator davlatlari ham jalb etiladi.
Rossiya, Xitoy va Eron Lotin Amerikasida yirik mashg‘ulotlar o‘tkazish yuzasidan muzokaralar olib bormoqda. Bu haqda Center for a Secure Free Society markazi maʼlumotlariga asoslanib The Washington Free Beacon portali xabar berdi.
“Eron, Rossiya va Xitoy Lotin Amerikasida yirik harbiy mashg‘ulotlar seriyasiga tayyorgarlik ko‘rmoqda. Bundan ko‘zlangan maqsad AQSHga o‘z qudratini namoyish qilish”, – deyiladi xabarda.
G‘arbiy yarimsharda bo‘lib o‘tadigan Sniper Frontier o‘quv mashqlarida jami 10 ta davlat ishtirok etishi kutilmoqda. Avgust oyi o‘rtalarida Venesuelada ularning bir qismi bo‘lib o‘tadi.
Avvalroq Xitoy NATOning yangi konsepsiyasini keskin tanqid qilgandi.
