Yaponiya tarixidagi eng mashhur bosh vazir vafot etdi
Sindzo Abe bugun ertalab nomaʼlum shaxs tomonidan otib ketilgandi.
Bir necha soatdan keyin sobiq bosh vazir kasalxonada vafot etdi. Avvalroq Kyodo axborot agentligi Liberal-demokratik partiyaning sobiq rahbari jiddiy jarohat olgani haqida xabar bergan edi.
Yaponiyaning NHK xalqaro telekanali maʼlumotlariga ko‘ra, nomaʼlum shaxs mamlakat g‘arbidagi Nara prefekturasiga kelgan va targ‘ibot kampaniyasi doirasida jamoatchilik oldida nutq so‘zlagan Sindzo Abega qarata o‘q uzgan. Sobiq bosh vazir tanasiga o‘q tekkan va darhol yerga qulagan.
Hodisa mahalliy vaqt bilan soat 11:30da sodir bo‘lgan. O‘t o‘chirish xizmati maʼlumotlariga ko‘ra, sobiq bosh vazir shifoxonaga yetkazilgan.
Politsiya maʼlumotlariga ko‘ra, gumonlanuvchi voqea joyida qo‘lga olingan. U 40 yoshlardagi odam.
