O‘zbekistonda 18 yoshga to‘lgan fuqarolarga bir martalik pul beriladimi?
Rasmiy manba internetda tarqalgan xabarlarga munosabat bildirdi.
Ijtimoiy tarmoqda O‘zbekistonda 18 yoshga to‘lgan har bir fuqaroga 789 ming so‘mdan pul to‘lanishi haqida xabar tarqaldi. Soxta axborotlarga raddiyalar uchun rasmiy manba holatga oydinlik kiritdi.
Ma’lum qilinishicha, telegram messenjeridagi guruhlarda “O‘zbekiston Respublikasi Prezidenti Administrasiyasi” nomi ostida ochilgan soxta akkaunt nomidan 18 yoshga to‘lgan har bir fuqaroga 789 000 so‘mdan bir martalik to‘lov to‘lanishi aytilgan ma’lumotlar tarqatilmoqda. Mazkur xabarlar yolg‘on va haqiqatga mos kelmaydi.
“Eslatib o‘tamiz, aholi o‘rtasida yolg‘on axborot tarqatganlik uchun javobgarlik mavjud”,—deyiladi xabarda.
