Samarqandda ommaviy mushtlashuv uyushtirgan yigitlarga chora ko‘rildi
Holat yuzasidan 5 kishiga nisbatan qamoq jazosi tayinlangan.
Ijtimoiy tarmoqda Samarqand shahridagi o‘quv markaz o‘quvchilari o‘zaro janjallashgan aks etgan videolavha tarqaldi. Holat yuzasidan Ichki ishlar vazirligi axborot xizmati ma’lumot berdi.
Qayd etilishicha, voqea joriy yilning 5 iyul kuni Samarqand shahrinining Dahbed ko‘chasida soat 19.30 atrofida sodir bo‘lagan. Taxminan 12–13 nafar yigit to‘planib, ular orasidagi 3–4 nafar yigit bir kishini har tomondan urgan. Janjalga telefon orqali bo‘lgan o‘zaro haqoratli suhbat sabab bo‘lgan.
“Xavfli urush bo‘lmadi. IIB xodimlari keldi, ajratdi va olib ketdi”, — deydi voqea guvohlaridan biri.
Hozirda janjalga aloqador bo‘lgan 5 nafar yigitda chora ko‘rilgan. Ularning 2 nafariga 15 sutka, 3 nafariga 12 sutkadan ma’muriy qamoq jazosi tayinlangan.
