Toshkentda pulli yo‘llar paydo bo‘lishi mumkin
Bu haqda Toshkent shahar transport boshqarmasi boshlig‘i maʼlum qildi.
Toshkentda pulli yo‘llar, shuningdek, yo‘l chetida pulli to‘xtash joylari paydo bo‘lishi mumkin. Bu haqda Toshkent shahar transport boshqarmasi boshlig‘i Anvar Jo‘rayevga tayanib, “NOVA24” xabar berdi.
Jo‘rayevning so‘zlariga ko‘ra, hozircha bunday qaror haqida gap-so‘z yo‘q, biroq kelajakda pullik hududlarni joriy etish rejalashtirilmoqda.
«Bu sodir bo‘ladigan yilni aniq ayta olmayman, biz hali bu mavzuga kelganimiz yo‘q. Bunday amaliyotni amalga oshirish uchun bizda jiddiy sabab yo‘q. Lekin konsepsiyada pullik hududlar tashkil etilishi, unga kirishda haydovchilar maʼlum miqdorda to‘lashlari nazarda tutilgan», — deydi Anvar Jo‘rayev.
Qayd etilishicha, tirbandlik bilan bog‘liq muammolarni hal qilish uchun Toshkentda yo‘l chetida pullik to‘xtash joylarini tashkil etish amaliyoti joriy etiladi. Biroq yaqin kelajakda bunday yechimlarni poytaxtda joriy etish rejalashtirilmagan.
Keltirilishicha, konsepsiya sifatida Transport vazirligining 2022 yildan 2025 yilgacha bo‘lgan davrda Toshkent shahrida jamoat transportini rivojlantirish loyihasi nazarda tutilgan.
