Yil oxirigacha dunyo aholisi 8 mlrdga yetadi
Aholi soni bo‘yicha Hindiston Xitoyni ortda qoldiradi.
2022-yil 15-noyabrda dunyo aholisi sakkiz milliardga yetadi. Bu haqda BMTning yangi hisobotida ma’lum qilindi. Hujjatda, shuningdek, Hindiston 2023-yilda Xitoyni ortda qoldirib, dunyoning eng ko‘p aholisi bo‘lgan davlati bo‘lishi aytilgan.
Birlashgan Millatlar Tashkilotining Iqtisodiy va Ijtimoiy Departamenti ma’lumotiga ko‘ra, hozirda dunyo aholisi 1950-yildan beri eng past sur’atda o‘smoqda. 2030-yilda aholi 8,5 milliardga, 2050-yilda esa 9,7 milliardga yetishi kutilmoqda. 2080-yillarda insoniyat 10,4 milliard kishiga yetishi mumkin.
Bir qator rivojlanayotgan mamlakatlarda tug‘ilish ko‘rsatkichlarining aniq pasayishi kuzatildi. Kelgusi o‘n yilliklarda dunyo aholisining prognoz qilinayotgan o‘sishining deyarli yarmi sakkizta davlatga to‘g‘ri keladi: Kongo Demokratik Respublikasi, Misr, Efiopiya, Hindiston, Nigeriya, Pokiston, Filippin va Tanzaniya.
Eslatib o‘tamiz, sosiologlarning urush tufayli Ukraina aholisi 30 million kishigacha kamayishi mumkinligini aytgandi.
