Andijonda 16 yoshli bolaning qo‘li go‘sht maydalagich ichiga tortilib ketdi
Hozirda u jonlantirish bo‘limida saqlanmoqda.
Bugun, 13-iyul kuni Andijon viloyatining Marhamat tumanida 16 yoshli bolaning qo‘li go‘sht maydalagich ichiga tortilib ketdi. Bu haqda viloyat Favqulodda vaziyatlar boshqarmasi matbuot xizmati xabar bermoqda.
Qayd etilishicha, hodisa Marhamat tumanidagi umumiy ovqatlanish shaxobchalaridan birida sodir bo‘lgan. Shahrixon tumani “Oq ko‘prik” mahallasida yashovchi 2006 yilda tugilgan fuqaro N. I. ish faoliyat olib borayotgan vaqtida e’tiborsizligi sabab uning o‘ng qo‘li go‘sht qiymalagich ichiga toritib ketgan. Shundan so‘ng bola Respublika shoshilinch tez yordam bo‘limiga olib kelingan. FVBning tezkor qutqaruv otryadi xodimlari maxsus temir kesuvchi asbob-uskunalar yordamida uning qo‘lini moslamadan chiqarib olgan.
Jarrohlar bilan o‘tkazilgan ushbu jarayon bartaraf etilishiga salkam bir soat vakt talab etgan. So‘nggi ma’lumotlarga ko‘ra, hozirda fuqaro N.I.ning ahvoli o‘rtacha va Respublika shoshilinch tez tibbiy yordam markazining jonlantirish bo‘limida saqlanmoqda.
