Bayden Isroildan Ukrainani qurol bilan ta’minlashni so‘radi
Avvalroq Quddus Vashingtonning bu so‘rovini rad etgandi.
AQSH Prezidenti Jo Bayden Isroilga tashrifi chog‘ida bosh vazir Yair Lapiddan Ukrainaga harbiy yordamni kengaytirish va qurol-yarog‘ bilan ta’minlashni so‘radi. Bu haqda “Walla” nashri xabar berdi.
Avvalroq Vashington Quddusga bir necha bor murojaat qilgan, ammo rad javobi berilgan. Xususan, Germaniya tomonidan Isroil texnologiyasi va litsenziyasi asosida ishlab chiqarilgan tankka qarshi raketalarni yetkazib berish haqida gap ketmoqda.
Eslatib o‘tamiz, ayni kunlarda Bayden prezident sifatida Yaqin Sharqqa ilk tashrifi amalga oshirmoqda.
