Kanada Rossiya og‘ir sanoatiga qarshi yangi sanksiyalarni joriy etdi
U neft-gaz va metallurgiya tarmoqlariga aloqador.
Kanada Rossiyaning neft-gaz, kimyo va sanoat sektorlariga qarshi navbatdagi sanksiyalarni joriy etdi. Bu haqda mamlakat tashqi ishlar vazirligi maʼlumot berdi.
“2022 yilning 14 iyul kuni Kanada alohida iqtisodiy choralar to‘g‘risidagi holatga o‘zgartirishlar kiritdi. Rossiyaning neft-gaz kimyo va qayta ishlash sanoatiga ikki ishlab chiqarish xizmatlarini ko‘rsatish taqiqlanadi”, – deyiladi vazirlik hujjatida.
Qo‘shimcha qilinishicha, ushbu sektorga oid sakkiz yo‘nalish sanksiyalar ostiga tushgan. Endilikda Kanada fuqarolari va kompaniyalari Rossiya tomoniga metall buyumlar, avtomobil, tirgaklar, kompyuter, elektr va optik mahsulotlar ishlab chiqarish bilan bog‘liq xizmatlar ko‘rsata olmaydi.
Avvalroq Vengriya Rossiyaga qarshi sanksiya joriy etishni to‘xtatishga chaqirgandi.
