“Katta yigirmatalik” moliya vazirlari uchrashuvida yakuniy bayonot qabul qilinmaydi
Bunga davlatlarning Rossiya bo‘yicha turli pozitsiyalari sabab bo‘lgan.
G20 davlatlarining moliya vazirlari va Markaziy bank rahbarlari uchrashuvi bo‘yicha yakuniy kommyunikesiz tugatiladi. Bu haqda Reuters xabar berdi.
Bunga Rossiyaning Ukrainadagi xatti-harakatlariga nisbatan ikki xil qarash sabab bo‘lgan. diplomatik manbalarning maʼlumotiga ko‘ra, Indoneziya moliya vaziri Sri Indravati yig‘ilish yakunlari bo‘yicha yakuniy bayonot beradi. Vazirlarning aprel oyida o‘tkazilgan uchrashuvida ham yakuniy kommyunike qabul qilinmagan edi.
Bali orolida bo‘lib o‘tayotgan tadbir oldidan AQSH moliya vaziri Janet Yellen Moskvaning Ukrainadagi vaziyat tufayli uchrashuvda ishtirok etish huquqi yo‘qligini, Rossiya vakiliga bu yerda o‘rin yo‘qligini aytgandi. Shunga qaramay, RF delegatlari chiqishi paytida hech kim uchrashuv zalini tark etmagan. Aprel oyida Rossiya vakillari nutqi davomida G‘arb davlatlaridan ishtirokchilar majlisdan chiqib ketgandi.
Avvalroq Rossiya o‘z neftini milliy platforma orqali sotishi mumkinligi to‘g‘risida xabar berilgandi.
