Yaponiyada COVID-19 bo‘yicha kunlik rekord qayd etildi
Mamlakatda bir sutkada yuz mingdan ortiq holat aniqlandi.
Yaponiyada bir kunda 110 675 ta yangi koronavirus holati qayd etildi, deb xabar bermoqda “Japan Times” nashri. Bu mamlakat uchun rekord ko‘rsatkich.
Ta’kidlanishicha, bir vaqtning o‘zida bir nechta prefekturalarda infeksiya avj olmoqda. Tokioda 18 919 ta yangi kasallar aniqlandi, bu bir hafta avval ro‘yxatga olinganidan deyarli ikki baravar ko‘p.
Yaponiyada epidemiyaning tarqalishi “Omicron”ning o‘ta yuqumli sub-varianti bilan bog‘liq.
