Qoraqalpog‘iston deputatlari Prezidentga murojaat yo‘lladi
Avvalroq Prezident farmoniga o‘zgartirish kiritilib, Qoraqalpoqdagi favqulodda holat yumshatilgan edi.
Bugun, 20 iyul kuni Qoraqalpog‘iston Respublikasi Jo‘qorg‘i Kengesining XXXI sessiyasi bo‘lib o‘tdi. Bu haqda “Yangi O‘zbekiston” gazetasi xabar bermoqda.
Sessiyada Qoraqalpog‘iston hududida 2 iyuldan joriy etilgan favqulodda holatni bekor qilish va ommaviy tartibsizliklarni sodir etganlikda gumonlangan aybsiz fuqarolarni, xususan, yoshlarni afv etish yuzasidan deputatlarning O‘zbekiston prezidentiga murojaatini tasdiqlash masalasi ko‘rib chiqildi.
Sessiyada deputatlar, mahalla faollari, tuman hokimlari so‘zga chiqib, bo‘lib o‘tgan ko‘ngilsiz voqealarga o‘z munosabatini bildirdi va Qoraqalpog‘iston xalqining bugungi kayfiyati xususida fikr bildirdi. Qo‘shimcha qilinishicha, bugungi kunga kelib Qoraqalpog‘istonda hayot o‘z maromida davom etmoqda.
