O‘zbekiston jinoyatchilik reytingida nechanchi o‘rinni egalladi?
Respublika o‘z o‘rnini uch pog‘onaga yaxshilagan.
Numbeo jinoyatchilik darajasi bo‘yicha mamlakatlar reytingini eʼlon qildi.
Reytingda Jinoyatchilik darajasi 20 dan past bo‘lsa “juda past”, 20 dan 40 gacha bo‘lsa “past”, 40 dan 60 gacha bo‘lsa “o‘rtacha”, 60 dan 80 gacha bo‘lsa “yuqori”, 80 dan yuqori bo‘lsa “juda yuqori” deb baholanadi.
Ro‘yxatda eng yuqori ko‘rsatkichlar Venesuela (83.16), Papua-Yangi Gvineya (80.26)va Afg‘onistonga (78.19)“nasib qilgan”. Qatar, BAA va Tayvanda eng kam jinoyatlar sodir etilishi qayd etilgan.
O‘zbekiston jinoyatchilik darajasi past bo‘lgan davlatlar qatoriga kiritilgan. Respublika indeksi 33.68 deb topilgan, u Norvegiya va Qatar bilan bir qatordan o‘rin olgan. Eʼtiborlisi, O‘zbekiston 2021 yilda 101 o‘rinni egallagan bo‘lsa, bu yil 3 pog‘onaga o‘z o‘rnini yaxshilangan. Markaziy Osiyo davlatlari ichida jinoyatchilik ko‘rsatkichi eng past bo‘lgan davlat ham O‘zbekiston bo‘ldi.
Davlat statistika qo‘mitasi rasmiy saytida joylashtirilgan ochiq maʼlumotlarga asosan, 2021 yilda Respublikada jami 111082 ta jinoyat ro‘yxatga olingan. Jinoyat sodir etgan shaxslar soni esa o‘tgan yili 80303 tani tashkil etgan.
