Toshkentda Suriyadagi terroristlarga qo‘shilmoqchi bo‘lgan 8 kishi ushlandi
Ular jangarilar faoliyatini qo‘llab-quvvatlab kelgan.
Toshkent viloyatida “Katibatul tavxid val Jihod” terroristik tashkilotning 8 nafar a’zosi qo‘lga olindi, deya xabar bermoqda viloyat IIBB axborot xizmati.
Qayd etilishicha, viloyatning Toshkent tumanida o‘tkazilgan navbatdagi nazorat tadbirlari davomida “Katibatul tavxid val Jihod” terroristik tashkilotning g‘oyaviy ta’siriga tushib, ularning faoliyatini qo‘llab-quvvatlab kelgan 8 nafar a’zosi qo‘lga olingan.
Ular 22–25 yoshdagi shaxslar bo‘lib, o‘zaro kelishgan holda kelgusida Suriya davlatiga borib, “Katibatul tavxid val Jihod” terroristik tashkiloti jangarilari safiga qo‘shilishni reja qilganlar.
Hozirda holat yuzasidan qo‘shimcha surushtiruv, tergov harakatlari olib borilmoqda.
