O‘zbekiston Yaponiya mehnat bozoriga kirib bormoqda
Bu bo‘yicha tomonlar kelishuvga erishgan.
O‘zbekistonlik migrantlar endilikda Yaponiyada mehnat qilishi mumkin. Bandlik va mehnat munosabatlari vazirligi Yaponiya tomoni bilan tegishli kelishuvga erishgan.
21 iyul kuni Yaponiya—O‘zbekiston o‘rtasida mehnat munosabatlari va kasbiy taʼlimni rivojlantirish istiqbollariga bag‘ishlangan ikkinchi mehnat forumida bu bo‘yicha maʼlumot berilgan. Vazirlik axborot xizmati rahbari Mavjuda Mirzayevaning so‘zlariga ko‘ra, avgustda 47 nafar o‘zbekistonlik “kunchiqar mamlakat”ga jo‘nab ketadi. Qayd etish joizki, O‘zbekiston Yaponiyaga ishchi olib kirish imkoniyatiga ega bo‘lgan o‘n bir davlatdan biriga aylangan.
Mavjuda Mirzayevaning qo‘shimcha qilishicha, yapon mehnat bozoriga kirish o‘ta murakkab. O‘zbekiston jami 1000 nafar ishchiga kvota olgan.
