Bayden Si Szinpin bilan yuzma-yuz uchrashishga kelishib oldi
Tomonlar uchrashuv muddati ustida ishlashni boshlagan.
Jozef Bayden va Si Szinpin uchrashishi mumkin. Bu haqda nomi sir qolishini istagan Oq uy amaldori maʼlum qildi.
Uning so‘zlariga ko‘ra, har ikki davlat yetakchilari yuzma-yuz muzokaralarning muhimligini qayd etgan. Tomonlar aniq sanalar ustida ishlashga vaʼda bergan.
Shu bilan birga Oq uy xodimi Si Szinpinning Tayvan masalasidagi bayonotiga izoh berishdan bosh tortgan. XXR raisi Baydenni "olov bilan o‘ynashmaslik"ka chaqirgandi.
"Shuni ayta olamanki, Tayvan masalsida ochiq va to‘g‘ridan to‘g‘ri muloqot bo‘ldi", — degan AQSH prezidenti administratsiyasi vakili.
Avvalroq Oq uy Bayden va Si Szinpin muzokaralari mavzusini ochiqlagandi.
