Xitoy Tayvan yaqinida mashg‘ulotlarni boshladi
Bu Nensi Pelosining orolga ehtimoliy tashrifiga qarshi o‘tkazilayotgan bo‘lishi mumkin.
XXR bugun Janubiy Xitoy dengizida harbiy mashg‘ulotlarini boshladi. Bu haqda Xitoy dengiz xavfsizligi boshqarmasi maʼlumot berdi.
Unga ko‘ra, dengizning to‘rt nuqtasi — Guandun va Xaynan provinsiyalari akvatoriyasida o‘tkaziladi. Undan ko‘zlangan maqsad, jalb qilingan kuchlar va vositalar ochiqlanmagan.
Katta ehtimol bilan bu AQSH Kongressi vakillar palatasi spikeri Nensi Pelosining Tayvanga tashrifiga qarshi ogohlantirish hisoblanadi. spiker juma kuni o‘zining Osiyoga safarini boshlaydi, ammo NBC telekanali Tayvanga tashrif nomaʼlumligicha qolayotganini taʼkidlagan.
Bundan oldin Si Szinpin Jozef Bayden bilan muloqot chog‘ida “olov bilan o‘ynashmaslik”ni maslahat bergandi.
