Namangandagi tog‘da kanat uzilib ketgani aytildi
Holat yuzasidan viloyat FVB ma’lumot berdi.
Bugun, 31-iyul kuni ijtimoiy tarmoqda Chodakdagi kanatning trosi uzilgani va tepada odamlar qolib ketgani haqida xabarlar tarqaldi. Holat yuzasidan Namangan viloyati Favqulodda vaziyatlar boshqarmasi axborot xizmati rasmiy munosabat bildirdi.
Ma’lum qilinishicha, kanatda hech qanday ko‘ngilsiz voqealar kuzatilmagan.
Tezkor ishchi guruh bu bo‘yicha o‘rganishlar o‘tkazib, kanat rahbari xamda ishchi xodimlariga texnika xavfsizligi qoidalariga rioya qilish yuzasidan qo‘shimcha yo‘riqnomalar bergan.
