Dunyoda qancha yadro quroli bor?
Amerika olimlari bu bo‘yicha maxsus hisobot tayyorladi.
2022 yilda Yer sayyorasida mavjud yadro qurollari soni 12.7 mingni tashkil etdi. Bu haqda Amerika olimlari federatsiyasi tadqiqotida maʼlum qilindi.
“ ‘Sovuq urush‘yakunlanganidan so‘ng boshlangan yadro arsenallarini qisqartirish jarayoniga qaramay, bu turdagi qurollar zaxirasi yirikligicha qolmoqda. To‘qqiz davlat 12.7 ming jangovar kallakka ega”, – deyiladi hisobotda.
Dunyodagi 90 foiz yadro qurollari AQSH va Rossiyaga tegishli. Ularning har birida 5 mingdan ushbu turdagi raketalar bor. Xususan, RFda 5977 dona, AQSHda 5428 dona yadro qurollari mavjud. Undan keyingi o‘rinda Xitoy (350 ta), Fransiya (290 ta), Buyuk Britaniya (225 ta), Pokiston (165 ta), Hindiston (160 ta), Isroil (90 ta), Shimoliy Koreya (20 ta) turibdi.
Ammo tarixiy masshtabda yadro qurollari soni kamayganligini ko‘rish mumkin. Masalan, 1986 yil, “sovuq urush” avjiga chiqqan davrda ularning soni 70.3 mingni tashkil etgan.
Avvalroq BMT bosh kotibi yadro quroli xavfsizlik kafolatini bermasligini aytgandi.
