Sholts: Ukrainaga o‘zimizda yo‘q qurollarni beryapmiz
Germaniya kansleri Kiyevga ko‘rsatilayotgan harbiy yordam haqida gapirdi.
Germaniya Ukrainaga o‘zida yo‘q qurollarni bermoqda. Bu haqda GFR kansleri Olaf Sholts maʼlum qildi.
“Biz jo‘natayotgan tizimlarning ayrimlari shu darajada yangiki, ular juda kam miqdorda ishlab chiqarilgan va hatto Bundesverda (Germaniya armiyasi — zamon.uz izohi) ham yo‘q. Ulardan foydalanishda biz ukrainalik askarlarga yordam beryapmiz”, – degan kansler.
Sholts Kiyevga Germaniya armiyasi zaxiralarida bo‘lgan barcha qurollarni berganini taʼkidladi.
Avvalroq Ukraina G‘arb samolyotlarini ham olishi mumkinligi to‘g‘risida xabar berilgandi.
