Ukraina oyiga qancha don eksport qila oladi?
Kechadan boshlab g‘alla olib chiqilishi qayta tiklandi.
Ukraina oyiga 3 million tonna g‘alla eksport qilishi mumkin. Bu haqda mamlakat infratuzilma vaziri Aleksandr Kubrakov maʼlum qildi.
Uning so‘zlariga ko‘ra, ikki hafta davomida portlar orqali sinov tariqasida kuniga uchtadan don ortilgan kema yo‘lga chiqadi. Agar yo‘nalishlar xavfsizligi taʼminlansa, 4-6 hafta davomida eksport hajmi oyiga 3 million tonnagacha yetadi.
“Biz yo‘nalishlar xavfsizligini ko‘rishimiz lozim, shundagina kemalar sonini ko‘paytiramiz”, – degan vazir Bloomberg agentligi bilan suhbatda.
Maʼlumot o‘rnida: 22 iyul kuni Rossiya, Ukraina, Turkiya va BMT g‘alla eksportini tiklash bo‘yicha to‘rt tomonlama kelishuvga erishdi. Istanbulda uning amalga oshirilishi yuzasidan koordinatsion markaz tuzildi. 1 avgust kuni g‘alla ortilgan ilk kema Odessa portidan yo‘lga chiqdi.
