Shryoder: Kreml Ukraina bilan muzokaralarga tayyor
Germaniya sobiq kansleri Turkiyaning vositachilik rolini olqishladi.
Germaniya sobiq kansleri Gerxard Shryoderning so‘zlariga ko‘ra, Rossiya Ukraina mojarosini muzokaralar stolida yakunlamoqchi. Bu haqda siyosatchi Stern nashriga bergan intervyusida aytgan.
“Ijobiy tomoni shundaki, Kreml muammoni muzokaralar yordamida hal qilmoqchi. Ikki davlat nizosi yakuni bo‘yicha kelishuv yo‘nalishi bor edi. Masalan, Istanbuldagi mart oyidagi kelishuvini bunga misol qilib keltirish mumkin”, – degan sobiq kansler.
U Turkiyaning Rossiya-Ukraina mojarosini hal qilishdagi vositachilik rolini maqtagan. Shryoderning so‘zlariga ko‘ra, ukrain g‘allasini olib chiqish bo‘yicha kelishuv yaxshi signal hisoblanadi.
“Balki, bosqichma-bosqich o‘t ochishni to‘xtatish rejimigacha bo‘lgan kelishuvga erishish mumkin”, – deb qo‘shimcha qilgan u.
Shryoder 1998-2005 yillarda Germaniya kansleri bo‘lgan. U Rossiya bilan anʼanaviy do‘stlik aloqalari tarafdori bo‘lgan. Sobiq kansler Putin bilan do‘stona aloqalarga ega. Siyosatdan ketganidan so‘ng qator rus neft-gaz kompaniyalarida rahbarlik lavozimlarida faoliyat yuritgan.
Avvalroq Shryoder Putin bilan shaxsiy munosabatlardan voz kechmasligini maʼlum qilgandi.
