Toshkentda salkam 100 ta daraxtga shikast yetkazilgani aytildi
Holat bo‘yicha Bosh prokuratura tekshiruv boshladi.
Toshkent shahrining Chilonzor ko‘chasini rekonstruksiya qilish jarayonida daraxtlarga zarar yetkazilgani aniqlandi. Hozirda mazkur holat bo‘yoicha Bosh prokuratura tomonidan tekshiruv o‘tkazilayotgani ma’lum qilindi.
“Kun.uz” nashrining yozishicha, ko‘chada kamida 7 ta daraxtga shikast yetkazilgan, buning uchun quruvchi tashkilotga 261 mln so‘m jarima belgilangan. Ko‘chadagi umumiy 99 ta daraxtda shikastlanish xavfi aniqlangan.
Faollar aralashuvidan keyin voqea joyiga bosh prokuror, Ekologiya qo‘mitasi raisi, shahar hokimi va Prezident administratsiyasi vakillari yetib kelgan. Shundan so‘ng yo‘l toraytiriladigan bo‘lgan.
