AQSH razvedkasining ustuvor yo‘nalishi o‘zgargan — AP
Hukumatning qaysi sohalar uchun maxsus xizmatlarga katta pul ajratayotgani ochiqlandi.
AQSH maxsus xizmatlari terrorizmdan ko‘ra Xitoyga eʼtiborini kuchaytirgan. Bu haqda Associated Press xabar berdi.
Agentlik maʼlumotlariga ko‘ra, Markaziy razvedka boshqarmasi direktori o‘rinbosari Devid Koen yopiq yig‘ilishda Vashington bundan buyon ham terrorchilarni taʼqib qilishini, ammo asosiy vazifa Xitoyga qarshilik masalasi ekanligini aytgan. AP‘ning qayd etishicha, so‘nggi vaqtlarda Amerika maxsus xizmatlarida “sokin burilish” sodir bo‘ldi. Yuzlab xodimlar Pekin bilan bog‘liq vazifalarga o‘tkazilmoqda.
“Bizga Xitoy va Rossiya ko‘proq tahdid tug‘diradi. Terrorchilar Xitoy kabi bizning hayot tarzimizni buzmaydi”, – degan kongressmen Jeyson Krou.
Ayrim maʼlumotlarga ko‘ra aynan Kongress MRB va boshqa xizmatlarning faoliyatida Pekinning ustuvor yo‘nalishiga aylanishiga sabab bo‘lgan. xitoy yo‘nalishiga boshqa sohalarga qaraganda ko‘proq pul ajratilmoqda.
Kongress XXRning zamonaviy texnologiyalar sohasidagi yutuqlari va uning o‘sib borayotgan “siyosiy va iqtisodiy ambitsiyalari”i haqida ko‘proq maʼlumot olishga harakat qilmoqda.
Avvalroq Xitoy NATOning yangi konsepsiyasini keskin tanqid qilgandi.
