Kasb-hunar maktablariga hujjatlar qabul muddati uzaytirildi
Mazkur jarayon 20-iyul kuni yakunlangan edi.
Avvalroq kasb-hunar maktablariga hujjatlar qabuli 20-iyulga qadar etib belgilangan edi. Oliy va o‘rta maxsus ta’lim vazirligi mazkur muddat uzaytirilganini ma’lum qildi.
“Bitiruvchi yoshlarning kasb-hunar egallashga bo‘lgan qiziqishini inobatga olib, ularga bu borada kerakli shart-sharoit yaratish maqsadida hujjatlarni qabul qilish muddati 15-avgustga qadar uzaytirildi”, — deyiladi vazirlik xabarida.
Eslatib o‘tamiz, hujjatlar kasb.edu.uz elektron platformasi orqali qabul qilinadi. Platformaga tug‘ilganlik haqidagi guvohnoma yoki ID-karta ma’lumotlari hamda 3x4 hajmidagi fotosurat kiritiladi.
