Qaysi tashkilot ishchilari OTMga testsiz qabul qilinadi?
Bu bo‘yicha vazirlik ro‘yxat e’lon qildi.
5 yil ish stajiga ega fuqarolarni OTMga tavsiya etish huquqiga ega tashkilotlar ro‘yxati tasdiqlandi. Bu haqda Oliy va o‘rta maxsus ta’lim vazirligi axborot xizmati xabar berdi.
Qayd etilishicha, Iqtisodiyot tarmoqlarida kamida 5 yil ish stajiga ega fuqarolarni sirtqi va kechki ta’lim shakliga suhbat natijalariga ko‘ra tabaqalashtirilgan to‘lov-kontrakt asosida o‘qishga qabul qilish uchun tavsiya etish huquqiga ega bo‘lgan vazirlik, idora va yirik birlashmalari ro‘yxati (86 ta) tasdiqlangan.
Bunda ro‘yxatda keltirilgan tashkilotlar tavsiyanomasiga ega bo‘lgan talabgorlar 2022 yil 8 avgustdan 22 avgustgacha (shu kuni ham) DTMning maxsus elektron tizimi orqali onlayn ro‘yxatdan o‘tkaziladi.
Vazirlik, idora va yirik xo‘jalik birlashmalari har bir o‘quv yili uchun markaziy va hududiy tuzilmalari hamda tizim tashkilotlaridan 100 nafargacha talabgorga tavsiyanoma berishi mumkin.
