Rossiyaning eng zamonaviy qurollarida Gʻarb texnologiyalari qo‘llanilgan
Britaniya ekspertlari bu bo‘yicha ma’lumot berdi.
Rossiyaning Ukrainada qo‘llayotgan eng zamonaviy qurollarini ishlab chiqarishda Gʻarb elektron qurilmalaridan foydalanilgan. Bu haqda Britaniya Qirollik birlashgan mudofaa tadqiqotlari instituti hisobotida so‘z boradi.
Ekspretlar Ukrainada qoldirib ketilgan raketa va texnikalar namunalarini o‘rgangan. Xususan, eng zamonaviy qurilmalarda AQSH, Yaponiya, Tayvan va Janubiy Koreyada ishlab chiqarilgan 450 dan ortiq turli komponenlar aniqlangan. Ular “Iskander”, “Tornado-S” va boshqa tizimlarda, uchuvchisiz texnikalarda va radioelektron kurash vositalari tarkibida bo‘lgan.
2014-yilda ularning bir qismini sotib olish cheklab qo‘yilgan, ammo Rossiyaga olib kirilishda davom etgan. Ularning ayrimlari ikkilamchi tovar ko‘rinishida hamon RFga import qilinmoqda, xususan, mikrochiplar ham fuqarolik, ham harbiy maqsadlarda ishlatilishi mumkin.
Avvalroq Gʻarbning Rossiya neftiga qo‘yilgan ayrim cheklovlari bekor qilingani to‘g‘risida xabar berilgandi.
