Guterrish: Xavfsizlikka muloqot orqali erishiladi, yadro quroli bilan emas
Avvalroq BMT bosh kotibi dunyo davlatlarini yadro qurolidan voz kechishga chaqirgandi.
Hech qaysi davlatning xavfsizligi yadro quroli evaziga taʼminlanishi mumkin emas. Bu haqda BMT bosh kotibi Antoniu Guterrish maʼlum qildi.
“Xirosima va Nagasakiga qarshi yadro qurolining qo‘llanilishi gumanitar halokatga sabab bo‘ldi. U insoniyat o‘zini o‘zi yo‘q qilishi mumkin bo‘lgan yangi davrni boshlab berdi. Haqiqiy xavfsizlik yadro quroli evaziga taʼminlanishi mumkin emas. Unga muloqot, muzokaralar, o‘zaro hurmat va xalqaro huquqqa hurmat asosida erishiladi”, – degan bosh kotib Nagasakidagi chiqishida.
Bugun Yaponiyaning Nagasaki shahriga atom bombasi tashlanganiga 77 yil to‘ldi. 1945 yil 9 avgust kuni AQSH harbiy-havo kuchlari ushbu shaharga yadro bombasini tashlagan.
Avvalroq Guterrish dunyo davlatlarini yadro qurolidan voz kechishga chaqirgandi.
