Rossiya bugundan Yevropaga ko‘mir eksport qila olmaydi
Cheklovlar sanksiyalarning beshinchi paketi doirasida qabul qilingandi.
10 avgustdan Buyuk Britaniya va Yevropa Ittifoqi Rossiyadan ko‘mir sotib olishni to‘xtatdi. Bu haqda “TASS” xabar berdi.
London va Bryussel bundan ko‘zlangan maqsad Rossiya iqtisodiyotiga zarar yetkazish ekanini taʼkidlagan. Shu bilan birga Birlashgan Qirollik bu cheklovning oqibatlariga qarshi jiddiy choralarni amalga oshirgan.Britaniya rus ko‘miriga qattiq bog‘lanib qolganligi qayd etilgan. Xususan, 2021 yilda mamlakatda foydalaniladigan ko‘mirning 48 foizi import qilingan, uning qariyb yarmi Moskva ulushiga to‘g‘ri kelgan.
Bundan tashqari, Rossiya Yevroittifoqning yirik importyorlaridan sanaladi. O‘tgan yili YEIga 48.7 million tonna ko‘mir sotilgan (Rossiya eksportining 21.8 foizi).
RF ko‘miriga embargo YEIning beshinchi sanksiyalar paketi doirasida qabul qilingan edi.
Avvalroq Vengriya Moskvaga qarshi sanksiya joriy etishni to‘xtatishga chaqirgandi.
