Qashqadaryodagi ikkita qishloq aholisi oʻrtasida janjal chiqdi
Ekologiya boshqarmasi hodisa sababini ochiqladi.
Ijtimoiy tarmoqda Qashqadaryo viloyatining Dehqonobod tumanida ikki qishloq aholisi oʻrtasida janjal yuzaga kelgani va unda tuman Ekologiya boʻlimi boshligʻi borligi aytilgan videolavha tarqaldi. Holat boʻyicha viloyat Ekologiya boshqarmasi axborot xizmati rasmiy munosabat bildirdi.
Voqea 10-avgust kuni “Tarqopchugʻay” MFYga qarashli Boʻztepa qishlogʻiga yondosh Sebatli hududida roʻy bergan boʻlib, ushbu janjal kavrak shirasini yigʻish istagida boʻlgan shaxslar oʻrtasidagi oʻzaro kelishmovchiliklar tufayli kelib chiqqan. Holat sodir boʻlgan joyda tuman Ekologiya boʻlimi boshligʻi boʻlmagan.
Mazkur masala yuzasidan ayni paytda Ekologiya qoʻmitasi, viloyat Ekologiya boshqarmasi va tuman boʻlimi, tuman hokimligi, tuman prokuratura, adliya, tuman IIB, tuman qishloq xoʻjaligi boʻlimi, tuman mehnat va bandlik boʻlimi, kadastr palatasining tuman filiali masʼullari ishtirokida ishchi guruh tashkil etilib, oʻrganish ishlari olib borilmoqda.
