Gruziya turizmdan rekord darajada foyda olishda davom etmoqda
Mamlakat bosh vaziri bu bo‘yicha maʼlumot berdi.
Gruziyada turizmdan rekord darajada daromad olindi. Bu haqda mamlakat bosh vaziri Irakliy Garibashvili maʼlum qildi.
Uning so‘zlariga ko‘ra, iyul oyida umumiy miqdorda ushbu sektor mamlakatga 476 million dollar keltirgan. Bu pandemiyagacha bo‘lgan ko‘rsatkichdan 20 foizga ko‘p.
Umuman olganda joriy yilning o‘tgan yetti oyida turizmdan jami 1.6 milliard dollar daromad olingan. 2019 yilda yillik ko‘rsatkich 2.9 milliard dollarni tashkil qilgandi.
“Bu juda yaxshi ko‘rsatkich. U ko‘plab yangi ish o‘rinlari va kambag‘allik darajasi qisqarishini anglatadi”, - degan Garibashvili.
Avvalroq Turkiya sog‘liqni saqlash turizmi sektorining daromadi 10 mlrd dollardan oshgani to‘g‘risida xabar berilgandi.
