Xitoy navbatdagi harbiy mashg‘ulotni boshlamoqda
Bu bo‘yicha mamlakat rasmiylari ogohlantirish bilan chiqdi.
Ertaga, 22-avgust kuni Sharqiy Xitoy dengizida harbiy mashg‘ulotlar o‘tkaziladi. Bu haqda mamlakat dengiz xavfsizligi boshqarmasi xabar berdi.
O‘q otish bilan bog‘liq amaliyotlar Chjeszyan provinsiyasi yaqinida mahalliy vaqt bilan soat 02:00 dan 16:00 gacha amalga oshiriladi. Bu vaqt oralig‘ida mazkur zonada kemalar harakati vaqtincha to‘xtatiladi.
Eslatib o‘tamiz, joriy yilning 2–3 avgust kunlari AQSH Vakillar palatasi spikeri Nensi Pelosi Xitoy qarshiligiga qaramay, Tayvanga tashrif buyurgandi. Shundan so‘ng orol atrofida harbiy mashg‘ulotlar boshlab yuborilgan.
