O‘z brendiga ega ishbilarmonlar ko‘payib bormoqda — Shavkat Mirziyoyev
Prezident ilg‘or tadbirkorlarga davlat mukofotini topshirdi.
Bugun, 22-avgust kuni Xalqaro kongresc markazida Tadbirkorlar kuniga bag‘ishlangan tadbir bo‘lib o‘tdi.
Prezident Shavkat Mirziyoyev mamlakat ishbilarmonlarini bayram bilan tabriklab, tadbirkorlar O‘zbekiston iqtisodiy qudratini oshirishda asosiy kuch ekanini taʼkidladi.
“Jamiyatda tadbirkorlarning obro‘si va mavqei kun sayin yuksalib, ichki va tashqi bozorda o‘z mustahkam o‘rniga, o‘z nufuzi va brendiga ega bo‘lgan ishbilarmonlar tobora ko‘payib bormoqda. Davlat idoralarida ham ularga munosabat tubdan yaxshilandi. Tadbirkorlarga nisbatan mana shunday yondashuv bundan keyin ham iqtisodiy siyosatimizning eng muhim yo‘nalishlaridan biri bo‘lib qoladi”, – dedi Shavkat Mirziyoyev.
O‘zbekiston Respublikasi Prezidentining 20 avgustdagi farmoniga muvofiq, Tadbirkorlar kuni munosabati bilan mamlakat taraqqiyotiga munosib hissa qo‘shib kelayotgan soha vakillaridan bir guruhi mukofotlangan edi. Tadbirda davlat rahbari 29 nafar fidoyi va ilg‘or tadbirkorlarga ana shu orden va medallarni topshirdi.
Shuningdek, O‘zbekiston Respublikasi Prezidentining 19 avgustdagi qarori bilan “Faol tadbirkor” ko‘krak nishoni taʼsis etiilgan edi. Ushbu mukofotga sazavor bo‘lgan 100 nafar tadbirkorga ham joylarda ushbu yangi ko‘krak nishoni topshirilmoqda.
