Yaponiya harbiy byudjeti rekord darajada oshirilishi mumkin
Tokio so‘nggi yillarda mudofaa uchun katta mablag‘ ajratmoqda.
Yaponiya 2023 yilda mudofaa xarajatlari uchun 40.7 milliard dollar sarflashi mumkin. Bu haqda Kyodo agentligi xabar berdi.
Mudofaa vazirligi parlamentga shu bo‘yicha so‘rov yuborgan. Agar bu tasdiqlansa, harbiy xarajatlar avvalgi yilga nisbatan 4 foizga oshadi.
Tokio so‘nggi yillarda mudofaa uchun katta mablag‘ ajratmoqda. Bu qo‘shni davlatlarning noroziligiga sabab bo‘lyapti. 2022 moliyaviy yili uchun harbiy byudjet 39.1 milliard dollarni tashkil etdi. Bu mamlakat tarixidagi rekord summa.
Yaponiya hukumati bir necha marta keyingi besh yilda mudofaa xarajatlarini keskin oshishini aytgan. Ammo bu bo‘yicha aniq raqamlar rasman ochiqlanmagan. Hukmron liberal-demokratik partiya bu ko‘rsatkichni NATOga aʼzo davlatlardagi kabi YAIMning 2 foiziga yetkazmoqchi.
Avvalroq Yaponiya mudofaa vazirligi KXDR raketa dasturi bo‘yicha xavotir bildirgandi.
