Toshkentda 2 ta ko‘cha yopilmoqda
Shahar hokimligi cheklov sababini ma’lum qildi.
Ertaga, 27-avgust kuni Toshkent shahrining ikkita ko‘chasi 4 soatga vaqtincha yopiladi. Bu haqda shahar hokimligi matbuot xizmati xabar bermoqda.
Yo‘l ta’mirlash ishlari olib borilayotgani munosabati bilan Seul ko‘chasi Furqat ko‘chasi bilan kesishmasidan Bunyodkor shoh ko‘chasi bilan kesishmasigacha, Mo‘minova ko‘chasi Shahriobod ko‘chasi bilan kesishmasidan Do‘rmon yo‘li ko‘chasigacha bo‘lgan qismi soat 9:00 dan 13:00 ga qadar vaqtincha yopiladi.
“Haydovchilardan aylanma yo‘llardan foydalanishlarini va noqulayliklar uchun uzr so‘raymiz”, — deyiladi xabarda.
