Yevroittifoq yaqin orada sanksiyalar tufayli katta qiyinchiliklarga duch keladi
“Sanksiyalar nafaqat Rossiyaga, balki Yevropaga ham og‘ir zarba”, dedi Josep Borrel.
Yevropa Ittifoqi qisqa muddatda Ukrainadagi vaziyat tufayli Rossiyaga qarshi sanksiyalar bilan bog‘liq jiddiy muammolarga duch keladi. Bu haqda Yevropa diplomatiyasi rahbari Josep Borrel ma’lum qildi.
“Biz Rossiyaning iqtisodiy imkoniyatlarini cheklayapmiz. Rossiya iqtisodiyoti neft va gazga bog‘liq ekan, ular bizning texnologiyamizga muhtoj bo‘ladi. Rossiya qiyin ahvolda. Va, albatta, biz ham qisqa muddatda jiddiy muammolarga duch kelamiz. Gaz narxi oshib borayotganini inkor etib bo‘lmaydi. Lekin biz erkinlik uchun to‘lashga tayyor bo‘lishimiz kerak”, — dedi Borrel.
Rossiyaning Ukrainada maxsus operatsiyasi boshlanganidan so‘ng Gʻarb davlatlari Rossiya Federatsiyasiga, xususan, Rossiya energiya manbalariga qarshi sanksiyalar joriy qila boshladilar. Rossiya prezidenti Vladimir Putin Rossiyani zaiflashtirish siyosati Gʻarbning uzoq muddatli strategiyasi ekanligini, sanksiyalar butun jahon iqtisodiyotiga jiddiy zarba berganini aytgan.
