Sirdaryoda paxta terimi boshlandi
Hosil paxta teruvchi mashinalarda yig‘ilmoqda.
Bugun, 2 sentyabr kuni Sirdaryo viloyatining Sardoba tumanida “Paxta—2022” yig‘im-terim mavsumiga start berildi. Bu haqda viloyat hokimligi axborot xizmati ma’lum qildi.
Qayd etilishicha, “Sardoba universal klaster” paxta to‘qimachilik klasterining maydonlarida viloyat hokimi Gʻofurjon Mirzayev zamonaviy terim mashinasini boshqarib, paxta terimini boshlab berdi.
Klaster rahbarining aytishicha, keyingi paytlarda paxta hosilini yig‘ishtirib olishda mexanizasiyalashni joriy etish anchayin jadallashgani ham mehnat unumdorligini oshirishga xizmat qilmoqda. Shundan kelib chiqib, bu yil klaster yer maydonlarida yetishtirilgan paxta hosili to‘laligicha terim mashinalari yordamida yig‘ib olish maqsad qilingan.
